ჩვენ ვართ ერთ-ერთი წამყვანი გენერიული ფარმაცევტული კომპანია ცენტრალურ და აღმოსავლეთ ევროპის რეგიონში და ჩვენი საქმიანობა მოიცავს ფარმაცევტული ღირებულების ჯაჭვის ყველა რგოლს. ეგისი არის სერვიე ჯგუფის წევრი (საერთაშორისო ფარმაცევტული კომპანია, რომელსაც მართავს არაკომერციული ფონდი და სათაო ოფისი აქვს საფრანგეთში).

2023/2024 ფინანსური წლის განმავლობაში ეგის ჯგუფის წმინდა გაყიდვებმა შეადგინა  692.7 მილიონი ევრო. უნგრეთის გარდა,  „ეგისის“ ბრენდული დასახელებებით ჩვენ ვყიდით პროდუქტებს 17 ქვეყანაში, შვილობილი კომპანიებისა და წარმომადგენლობების ქსელის მეშვეობით.

ჩვენი  პროდუქტები წარმოდგენილია მთელი სპექტრით: აქტიური ნივთიერებებიდან, ტაბლეტირებული და საინექციო ფორმებიდან, გალენურ  (ანუ თხევადი და ნახევრად მყარი) პროდუქტებამდე და ხელმისაწვდომია 103 ქვეყანაში შვილობილი კომპანიების,  წარმომადგენლობების ქსელის ან პარტნიორების მეშვეობით. გასული ფინანსური წლის განმავლობაში ჩვენი პორტფოლიო შედგებოდა 652 პროდუქტისგან, რომელიც მიეკუთვნებოდა პროდუქციის 170  ხაზს და შეიცავდა 153 დასახელების აქტიურ ნივთიერებას.

ჩვენ ძირითადად ორიენტირებულები ვართ გულ-სისხლძარღვთა და ცენტრალური ნერვული სისტემების დაავადებათა მკურნალობაზე; გარდა ამისა, სამედიცინო საზოგადოებას ჩვენ ვთავაზობთ მკურნალობის უახლეს გადაწყვეტილებებს დიაბეტოლოგიის, დერმატოლოგიის და ჭრილობების მოვლის სფეროებში. 2013 წელს, დავიწყეთ ჩვენი პირველი ბიოსიმილარული მონოკლონური ანტისხეულების წარმოება, რომელიც ასევე, წარმოადგენს პირველ ბიოსიმილარულ მონოკლონურ ანტისხეულებს  (mAb) ევროკავშირის მასშტაბით. მას შემდეგ, ჩვენ დამატებით წარვადგინეთ კიდევ სამი ბიოსიმილარული პრეპარატი. 

როგორც ცენტრალური და აღმოსავლეთ ევროპის რეგიონის ერთ-ერთი კომპანია, რომელიც მტკიცედ არის ორიენტირებული ინოვაციაზე, ყოველწლიურად 50.7 მილიონ ევროზე მეტს ვხარჯავთ კვლევასა და განვითარებაზე (R&D). ჩვენი საქმიანობა კვლევისა და განვითარების მიმართულებით ორიენტირებულია მაღალ ხარისხსა და დამატებითი ღირებულების მქონე ბრენდირებული გენერიული პროდუქტების შექმნაზე.

ბოლო ოცი წლის განმავლობაში 889 მილიონ ევროზე მეტი ოდენობის ინვესტიცია განვახორციელეთ კომპანიის საქმიანობის გაუმჯობესებისთვის, როგორიცაა: მზა პროდუქციის წარმოების  სრული პროცესის მოდერნიზება, ასევე, უნგრეთში თანამედროვე  R&D ცენტრების შექმნა. ძლიერმოქმედი აქტიური ნივთიერების (ძალიან მცირე დოზებშიც კი მნიშვნელოვანი ბიოლოგიური აქტივობის მქონე) და მზა პროდუქტების შემუშავება  შესაძლებელი გახდა, ასევე,  ბუდაპეშტში მდებარე ჩვენს უნგრულ საწარმოში, სადაც დასრულდა აქტიური ნივთიერებების წარმოების ტრადიციული ტექნოლოგიის სრული მოდერნიზაცია. კიორმენდში არსებულ საწარმოში განხორციელდა განვითარებასთან დაკავშირებული ზოგიერთი ფართომასშტაბიანი აქტივობა: 2019 წლის სექტემბერში გაიხსნა ახალი გალენური ქარხანა, ხოლო 2021 წლის შემოდგომაზე ამოქმედდა ორი ტექნოლოგიურად ინტენსიური განვითარების პროექტი: დასრულდა შესაფუთი ქარხნის გაფართოების ძირითადი ნაწილი და შესაძლებელი გახდა სპეციალური მედიკამენტების (ძირითადად, ონკოლოგიური პროდუქტების) წარმოება.